Margunn Vikingstad (fødd 1971) er ein norsk litteraturkritikar og omsetjar. Ho har hovudfag i nordisk språk og litteratur frå Universitetet i Oslo (2000).

Vikingstad var litteraturkritikar i Dag og Tid frå 2001 til 2013, og sidan 2013 har ho vore knytt til Morgenbladet som litteraturkritikar. Sidan 2010 har ho kombinert kritikarverksemda med å gjere skjønnlitterære omsetjingar. Vikingstad er dessutan programansvarleg ved Litteraturhuset i Bergen.

Vikingstad har m.a. omsett fleire teaterstykke frå fransk og engelsk, i tillegg til Gustave Flaubert sin roman Madame Bovary, og Marcel Prousts Swanns kjærleik, frå fransk til nynorsk. Båe kom ut i forlaget Skald sin serie med verdsklassikarar på nynorsk. Ho omsette dessutan det første Fosseforedraget, som vart held av den franske filosofen Jean-Luc Marion i 2025, til nynorsk under tittelen Skaping. Hausten 2026 kjem Vikingstad si omsetjing av La Vagabonde frå 1910 av Sidonie-Gabrielle Colett. Boka får tittelen Vandraren.

Vikingstad har vore prosjektleiar i NORLA (Senter for norsk skjønn- og faglitteratur i utlandet), og prosjektleiar for Norsk barnebokinstitutt sitt prosjekt med forfattarutdanning i faglitteratur for barn og ungdom.