Dag Johan Haugerud (f. 1964) er ein norsk filmskapar, forfattar og bibliotekar. Han er kjend for ei rekke prisvinnande og kritikarroste filmar, mellom anna trilogien Sex, Drømmer og Kjærlighet (2024). Haugerud debuterte som forfattar i 1999 med romanen Noe med natur og har seinare gjeve ut romanene Den som er veldig sterk, må også være veldig snill (2002), Hva jeg betyr (2011) og Enkle atonale stykker for barn (2016).

Haugerud vaks opp i Eidsberg, og har bibliotekarutdanning frå Høgskolen i Oslo, mellomfag i filmvitenskap frå Stockholms universitet, teatervitenskap frå Universitetet i Oslo, og har gått forfattarstudiet ved Høgskolen i Telemark.

Haugerud sine filmar har fleire gonger motteke Amandaprisen, og i 2020 og 2024 fekk han Nordisk råds filmpris. Han er den første norske filmskaparen som har vunne denne prisen to gonger. I 2025 blei filmen Drømmer den første norske filmen til å vinne Gullbjørnen for beste film under filmfestivalen i Berlin.