Filosof Øyvind Kvalnes (fødd 1963) vaks opp på Nesodden utanfor Oslo.
 
Han er professor i organisasjonsadferd ved Handelshøyskolen BI. Far hans vaks opp ved Sørfjorden, som yngst av sju på fruktgarden Kvalnes på Hovland. Kvalnes debuterte på Litteratursymposiet i 2005. Sidan har han dukka opp i Odda med jamne mellomrom.

Han har skrive ei rekkje bøker, mellom anna Målvaktfilosofi (2007), Det feilbarlige menneske (2010), Hjelp: Hvordan gjøre en forskjell for andre (2015) og Ytringsklima (2019). Han gjesta attrå-symposiet med boka Flørt: Om blikk, berøring og øyeblikkets kjemi, saman med Fanny Duckert og i år er han aktuell med Filosofisk førstehjelp, om korleis kan vi få til meir saklege og venlege samtalar mellom folk.