Ikkje mindre enn tre oddaforfattarar er aktuelle med nye bøker denne hausten.

Leander Djønne kjem med romanen Alt et som følgjer i dei same spora som Oskespiralen frå 2022. For Oskespiralen vann Djønne same året Lytternes romanpris i P2.

Håkon Opdal kjem med boka Elgjegerliv der han tek lesaren med inn i jegaren si verd av tradisjonar, samhald og nærleik til naturen.

Leif Einar "Lothepus" Lothe kjem med sjølvhjelpsmanualen Lothepus-manualen: Dette fiksar du! I boka har Lothe plukka ut ferdigheiter det er lurt å ha i verktøykassa – og ein del praktiske triks som berre er jækla kule å kunne. Boka er ført i pennen av Heidi Molstad Andresen.

På laurdagen kan du få med deg alle tre; Djønne i Odda kino, Opdal hos Norli og Lothe på den nye campingen sin der han skal ha sleppfest.