Trond Espen Seim (fødd 1971) er ein norsk skodespelar og regissør frå Oslo. Han gjekk ut frå Teaterhøgskolen i 1996 og har sidan blitt kjend for rollene sine i ei lang rekke teateroppsetjingar, filmar, og TV-seriar. Frå 2004 til 2006 var han del av den kunstneriske leiinga ved Torshovteatret, og i 2017 vart han fast tilsett ved Nationaltheatret og debuterte som teaterregissør med En handelsreisendes død i 2018. I 2020 spelte han rolla som Hjalmar Ekdal i Ibsens Vildanden. 

Seim filmdebuterte i 1998 og har siden gjort seg bemerka i filmar som Hawaii, Oslo (2004), Snekker Andersen og Julenissen (2016) og i filmane om privatdetektiv Varg Veum, basert på krimbøkene til Gunnar Staalesen. Den første Varg Veum-filmen, Bitre blomster, hadde premiere i 2007, og 11 fleire filmar vart laga dei neste fem åra. På den siste produksjonen, Kalde hjerter (2012), hadde Seim regien i tillegg til å spele hovudrolla. 

TV-debuten kom i 2004 med miniserien Svarte penger – hvite løgner kor han spelte hovudrolla. Han har i tillegg hatt ei lang rekke mindre roller i kjende produksjonar som Heimebane (2018), Furia (2021), Limbo (2023), og nyleg i den prisvinnande publikumssuksessen Makta.

I 2000 vart Seim heidra med Heddaprisen, og i 2008 mottok han Amandaprisen.