Terje Torkildsen (fødd 1971) er utdanna norsklektor, men arbeider i dag som komikar, skodespelar og kulturprodusent, og er kanskje mest kjend som prinsippfast drosjesjåfør i filmen Mongoland frå 2001.

Den litterære debuten, Marki Marco (2008), utvikla Torkildsen i samarbeid med 10. trinnet på St. Svithun skole i Stavanger. For boka blei Torkildsen tildelt Uprisen, etter å ha blitt stemt fram av 220 niendeklassingar over heile landet. Hausten 2009 kom Dystopia I – den første boka i serien DYSTOPIA 2014. Som Marki Marco er også desse bøkene skreddarsydd for utolmodige tenåringar.

Torkildsen vann Uprisen for andre gong for Dystopia III i 2012. I 2019 kom Torkildsen ut med ungdomsromanen Isla Bonita. Torkildsen bur i Stavanger.

Skjønnlitterære utgjevingar:
Isla Bonita. Ungdomroman (2019)
Stavanger stories II. Novellekrans for ungdom (2018)
Humorboka. Faktabok (2017)
Stavanger stories I. Novellekrans for ungdom (2016)
Arrfjes. Ungdomroman  (2014)
Dystopia IV. Ungdomroman  (2012)
Dystopia III. Ungdomroman (2011)
Dystopia II. Ungdomroman (2010)
Dystopia I. Ungdomroman 2009)
Marki Marco. Ungdomsroman (2008)