Fotograf Fin Serck-Hanssen har hatt ei lang rekkje seperatutstillingar og vert i dag rekna som ein av landets fremste fotografar. Han står bak årets symposieutstilling.

Gjennom fotoprosjekt som Under water (1987), Fugl (1991), Aids (1993), Gay Watch (1996), Album (2002) og portrettserien av Nordsjødykkarane fra 2006 har han markert seg som ein aktiv og politisk bevisst kunstnar.

Fin Serck-Hanssen har stilt ut på ei lang rekkje norske og nordiske museum samt museum og samlingar i m.a. England, Canada, Frankrike, Italia, Tyskland, Polen og USA. Han er kjøpt inn av Nasjonalmuseet, Victoria & Albert Museum, London, National Museum of Photography, Bradford og fleire statlege og private samlingar.