Juliana Venter (f. 1970) er songar,  skodespelar og komponist, fødd og oppvoksen i Sør-Afrika og Namibia, der ho studerte opera og piano.

Ho vart frontfigur i musikk-og performancebandet The Mud Ensemble frå Johannesburg, som oppnådde kultstatus og vart pionerar innan avantgardemusikk i Sør-Afrika på 1990-talet. The Mud Ensemble vart óg kjend for sitt arbeid mot apartheid.

Som vokalist er ho kjend for ei inderleg stemme, breie palettar og sitt ekstreme uttrykk. Ho har av pressa blitt kalla ”the queen of South-African avantgarde”, men har og føtene godt planta i opera, samtidsmusikk, folkemusikk, jazz og fri improvisasjon. Ho har bidrege på fleire internasjonale innspelingar, og gjeve ut soloalbumet Spooky Attraction From A Distance, av musikkpressa nemnd i same åndedrett som Anthony Hegarty og Joanna Newsome, som eit viktig bidrag til avantfolk-stilen.

Venter har studert Meisner-metoden og delteke i fleire meisterklassar med den anerkjende skodespelar-coachen Susan Batson (Nicole Kidman og Juliette Binoche). Ho har jobba med poesi og poetar i årevis og har komponert musikk for Georg Trakl, Rainer Maria Rilke, William Blake, Ezra Pound and Emily Dickinson, Arthur Rimbaud, Rumi samt nokon infyltelsesrike poetar frå Sør Afrika: Wopko Jensma,Breyten Breytenbach and Johan Van Wyk.

Venter har spelt i fleire profesjonelle Shakespeare-oppsetjingar i Tyskland, og hausten 2016 spelte og song ho i Brecht's Mother Courage, som turnerte i Sør-Afrika. Ho har nett avslutta innspelinga av ein ny stor spelefilm i Sør-Afrika, The Harvesters, kor ho spelte hovudrolla, om ein Boer-familie på tampen av apartheidtida.

I 2015 spelte ho i forestillingen The congress of dreams på Black Box teater i Oslo, (manus av Øyvind Berg, regi Susanne Øglænd) til strålande kritikker. Til utstillinga Jorn+Munch ved Munchmuseet i fjor fremførde ho saman med saxofonist Rolf-Erik Nystrøm fem konsertar med spesialkomponert musikk. Ho opna Oslo internasjonale poesifestival sist haust med eit tingingsverk saman med Nystrøm, og opptrådte med Øyvind Berg og Kay Miller.

Ho har budd i London og Berlin sidan 2002 og etablerar seg no i Norge, der ho mellom anna skriv musikken til og framfører ein ny teaterproduksjon for barn som tar for seg klimaproblem verda står ovanfor, saman med Marius Kolbenstvedt og Nikolai Lange-Nielsen.