Jonvik har bidratt i ei rekke undersøkingar av kunstnariske praksisar og infrastruktur på det visuelle kunstfeltet, mellom anna forsking på kunstsentra sine rollar i den norske kunstøkologien og kunstmønstringa Bergen Assembly.

 

Nylege publikasjonar er Kunst som deling, delingens kunst (Fagbokforlaget, 2020), om nye tendensar og samarbeid på samtidskunstfeltet i Noreg etter 2010, skrive saman med Eivind Røssaak, Hanne Hammer Stien og Arnhild Sunnanå; Samarbeid mellom små og store vesen, skrive saman med Hans Edward Hammonds, om eit kunst- og forskingsprosjekt der barn og vaksne samarbeider om å laga eit kunstverk som mest mogleg likestilte partar; og Infrastrukturelle undersøkingar, ein rapport om atelier- og utviklingsprogrammet Atelier Kunstnerforbundet.  

 

Jonvik skriv kritikk for mellom anna Contemporary Art Stavanger (CAS) og Kunsthåndverk, og har bidratt med essayet Å måla attrå til monografien om Lars Korff Lofthus sin kunstnariske praksis.

 

Jonvik er utvalsleiar for Arrangørutvalet for visuell kunst i Kulturrådet.