Sosiologen Pierre Bourdieu er opphavsmannen til omgrepet kulturell kapital. Kulturell kapital handlar om kulturelle ressursar som utdanning, meistring av kulturelle kodar og danning. Det mest kjende verket til Bourdieu, «Distinksjonen, en sosiologisk kritikk av dømmekraft»,  er ei framløfting av korleis kulturelle maktfaktorar skapar sosial ulikskap og bidreg til sosial eksklusjon. Boka anerkjenner at økonomisk kapital er den viktigaste forskjellsskapande mekanismen i samfunnet, men knyter kulturelle maktfaktorar uløyseleg saman med økonomisk og politisk makt.