Lubna Jaffery (fødd 1980) har sidan juni 2023 vore Noreg sin kultur- og likestillingsminister. Jaffery representerer Arbeiderpartiet, og frå hausten 2019 var ho byråd for arbeid, sosial og bolig i Bergen kommune. 

Jaffery er vestlending og bergensar med pakistanske røter, og har vakse opp på Flaktveit i Åsane bydel i Bergen. Ho har ei mastergrad i administrasjon og organisasjonsvitenskap frå Universitetet i Bergen, i tillegg til grunnfag og mellomfag i samanliknande politikk, og grunnfag i sosiologi og offentleg rett.

Jaffery har brei erfaring frå kulturfeltet. Ho har vore styreleiar i Riksscenen, nestleiar i styret til Festspillene i Bergen, i tillegg til ei lang rekke andre organisatoriske verv, som mellom anna juryleiar for mangfaldsprisen i Bergen, styreleiar for BIT20 Ensemble, og styremedlem for Litteraturhuset i Bergen, BIT Teatergarasjen og Fargespill.