Brudini, alias Erik Aran Brudvik, er ein norsk-thailandsk artist og musikar. Han vaks opp i Bergen, men har som vaksen budd store delar av livet i Paris og Tokyo, og dei siste 13 åra i London. Her skulle ei hedgefondkarriere i kapitalismens frontlinje etterkvart vike for eit obskurt artisttilvære, og musikken ber preg av denne personen som har vandra ein utradisjonell veg, mellom klodar som oppfattast som motpolar.

Den leiande, britiske artpunk-nettstaden Louder Than War, var tidleg ute med å omtale Brudini, som “eit ubeskriveleg talent”, og New York
manager-legenda Danny Fields (The Ramones, Jim Morrison, Iggy Pop & The Stooges), har hylla musikken som “eigenarta og svært vakker”. Fleire av låtane har fått speletid på nasjonal radio i UK, blant anna 3 singlar på BBC6 Music, samt RadioX og Radio 2s Frank Skinner Show.
Brudini har samarbeida med Lulu Gainsbourg (sønnen til Serge Gainsbourg), opptrådt på Tate Britain og vore ein del av ein utsolgt Soho undergrunnscabaret, saman med LGBTQ-pionéren Lanah Pillay og Andy Bell frå Erasure.

Lydbiletet til Brudini lener seg mykje på analogt utstyr, og i musikken finn ein referansar til alt frå chanson moderne, jazz og klassisk, til
eksperimentell postpunk, krautrock og world music. Live og i studio samarbeider han med eit knippe jazzmusikarar, spreidd frå ulike byar. Debutplata kom seinhausten 2020 på Apollon Records, og er miksa og mastra i New York av Grammy-vinnar Jeremy Loucas (Esperanza Spalding, Albert Hammond Jr, N:UM).

I Odda opptrer Brudini med den franske performancekunstnaren Thierry Alexandre, og har med seg jazztrommis Sigurd Steinkopf og Alexander Grieg på kontrabass.
Meir info på www.brudini.com // Instagram brudini_