Yohan Shanmugaratnam (fødd i Jaffna, Sri Lanka i 1979) er ein norsk journalist og sakprosaforfattar, som særleg har dekka britisk politikk. Han har vore tilsett i Klassekampen sidan 2003 og vart utanriksredaktør 2011.

Shanmugaratnam tok hovudfag i samfunnsgeografi ved Universitetet i Oslo i 2004 om globalisering og tekstilindustrien på Sri Lanka.

Den første boka hans, Vi puster fortsatt, om rasisme og røtter, vart kåra av Aftenposten til ei av årets beste bøker i 2020. Han vann Bokhandelens sakprosapris 2021 for si andre bok, Bruddet: Byen som ville ha brexit. Hjertet i to: Seks måneder med Karpe frå 2022 er Shanmugaratnam si tredje bok.

I 2023 vann Shanmugaratnam NTB sin språkpris. Han er den første vinnaren med fleirspråkleg bakgrunn.