Teater Grimsborken såg dagens lys i 1998, og er under leiing av Peder Opstad. Dei speler for store born og små vaksne, og framsyningane deira er alltid leikne, poetiske og musikalske.

Namnet Grimsborken er henta frå eit eventyr av Asbjørnsen og Moe.

Teateret sin mest aktive periode var mellom 2002 og 2016. Då produserte dei 21 framsyningar og spelte desse til saman meir enn 4000 gonger for over 360.000 born, unge og vaksne i heile Noreg. 32 skodespelarar var i denne perioden ensgasjerte.

Teater Grimsborken kjem til Litteratursymposiet med framsyninga “Bjørnson unplugged” som vann prisen “Elevenes favoritt” under Den kulturelle skolesekken si prisutdeling i 2011. Framsyninga skal spelast for alle ungdomsskulane i kommunen.