Ole Amund Gjersvik (fødd 1963) er ein norsk musikar, komponist, bassist og musikkprodusent.

Gjersvik er utdanna kontrabassist ved Bergen Musikkonservatorium, Griegakademiet i Bergen.

Han er kjend både som soloartist og som bassist i blant anna Trang Fødsel (fram til 2009). Han har også hatt eigne bandprosjekt, som Ole Amund Gjersvik Quintet, Ole Amund Gjersvik Quartet, Ole Amund Gjersvik Trio og Combo Tango. 

Gjersvik speler regelmessig på oppsetjingar ved Den Nationale Scene i Bergen og på diverse kabaret- og revyoppsetjingar, og han har samarbeidd med mellom anna Frode Grytten, Ole Paus, Wenche Myhre, Jan Eggum, Anne Marit Jacobsen og Marit Voldsæter. Gjersvik og Grytten har mellom anna hatt oppdrag for Den kulturelle skolesekken saman.