Kaspar Colling Nielsen (fødd 1974) er ein dansk forfattar frå København. Han debuterte i 2010 med Mount København, ei samling fortejlingar. For den fekk han Årets Debutantpris i Danmark. Gjennombrotet kom med Den danske borgerkrig 2018-2024, som omhandlar ein økonomisk motivert borgerkrig i Danmark, og som også har fått mykje merksemd i Norge. Romanen Den europeiske våren er ein grotesk og provoserande forteljing om friheit, likskap og samhald i ei nær fremtid: På Lolland i Danmark etablerar ei rekkje internasjonalt anerkjende forskarar og gründere eit nytt samfunn for rike borgarar. Dei vil kombinera det mest idylliske og ettertrakta frå den gamle verda, med dei siste teknologiske nyvinningar: Ein droneovervåka bonderomantikk. I sin siste roman, Frelseren fra Hvidovre (2022), skriv han om eit samfunn som ikkje lenger maktar løyse sine problem, der vulkanutbrot og askeskyer, daude fuglar, økonomiske kriser og aggressive koronamutasjonar herjer, og redninga kan ligge eit anna stad enn ein kanskje ville venta. 

Colling Nielsen sin forfattarskap har vunne mange prisar, og krinsar om filosofiske, eksistensielle og vitskaplege spørsmål. Særskilt spørsmål om vald, opprør, sivilisasjonsundergang og framtidsdystopi, og bøkene har klåre trekk frå både science fiction og satire. Han har utdanning frå Copenhagen Business School, kor han også arbeider som ekstern lektor. Colling Nielsen skriv også manuskript til film og TV. Han besøker Litteratursymposiet for første gong i 2023.