Jonathan August Lengali (fødd 1993) er ein kritikarrost norsk poet. Han debuterte i 2018 med diktsamlinga jonathan og sailor j.. I 2022 kom nummer to; Yngling, og i mars i år kom den tredje diktsamlinga, Om gay seterdrift. Sistnemnde fekk litteraturmeldar Knut Hoem i NRK til å fleske til med overskrifta “Herregud, som den mannen får det til å gro!” då han melde boka i april. Boka handlar om ein svikta, homofil Oslo-gut som flyttar til Telemark for å drive gard. “Fete, næringsrike dikt”, kalla Hoem det.