Atle Hansen (fødd 18. november 1954) er ein norsk forfattar, musikar og journalist. Han vart fødd i Mosterhamn i Bømlo, og er busett på Stord.

Hansen har studert litteraturvitskap, teatervitskap og sosiologi ved Universitetet i Bergen. Han har òg vore journalist i lokalavisa Sunnhordland sidan 1987.
Han var med og starta barnebokfestivalen Falturiltu på Stord og er med i programkomiteen for festivalen.

Han har gitt ut ei rekkje bøker for både barn og unge, gitt ut fleire plater og fått Vinjeprisen for nynorsk journalistikk.