Totland debuterte i 2015 med boka Vampyrane i Eplehagen. I 2016 kom han ut med ungdomsromanen Engel i snøen. Boka hausta svært gode kritikkar, og er også omsett til dansk. For denne fekk han Nynorsk Barnelitteraturpris.
Han har bidrege med ein av tekstane til antologien Fantasiboka, som kom ut hausten 2016. Det er den femte og siste boka i Skald forlags sin serie av nye, nynorske forteljingar for born, gjennomillusertrert av Gunvor Rasmussen.
Totland er utdanna kokk og har har gjeve ut kokeboka Digg. Han har vikariert som kyrkjeorganist sidan han var 15 år gamal.
I 2017 kom ungdomsromanen Så lenge ingen ser oss, om korleis eit barn opplever det å verte utsett for seksuelle overgrep frå ein tillitsperson. Nedteljing, frå 2018, handlar om utpressing etter at ein ung gut har delt ein nakenvideo av seg sjølv med ei jente på nettet. Vintertonar (2019) er den første romanen for vaksne. Den handlar om vald i familien og om Isak som reiser tilbake til barndomsbygda for å finne sanningar om mora, faren og si eiga fortid. Til jord skal du bli er hans andre roman for vaksne.
I 2018 kom den første sakprosaboka hans for ungdom ut. I Den norske slavehandelen tek han for seg Noreg si rolle i den internasjonale slavehandelen. Totland skriv òg sakprosa for vaksne. I mange år dreiv han matbloggen «Frå hage til mage», og i 2017 gav han ut kokeboka Digg. Gjer kvardagen til ein fest. I 2021 gav han ut Vindmøllekampen. Historia om eit folkeopprør. I 2022 kom den første boka om den pensjonerte presten Jacob Juul, Til jord skal du bli. Totland si så langt siste bok er den frittståande oppfølgjaren Til døden skil oss som kom ut i sommar.
