Gjennom mange år som fotograf i Bergens Tidende har Marita Aarekol reist på kryss og tvers på Vestlandet. På desse reisene vakna interessa for dei forlatne husa som finst spreidde i landskapet – hus som står att som stille vitne om livet som ein gong vart levde fder. Dei finst overalt. Stader der tida ser ut til å ha stansa. Utstillinga viser fotografi av husa og landskapa dei høyrer til i.

Bileta er tekne ulike stader på Vestlandet og blir presenterte som ei visuell forteljing om minne, tilhøyrsle og dei spora menneske etterlet seg. Gjennom fotografi får dei forlatne heimane nytt liv som berarar av historier om arbeid, kvardag, draumar og tap.

Saman med forfattar Marit Eikemo har prosjektet resultert i boka Husdraumar. Boka utdjuper forteljingane bak husa og set bileta inn i ei større kulturhistorisk og litterær samanheng.