Havet på solsiden er første bok i serien om Månefolket, ei illustrert, magisk forteljing om Nicolas frå jorda og Månefolk-jenta Isha.

Nicolas er ein heilt vanleg gutt. Han elskar å spele fotball saman med bestevennen Elias og å sjå på månen med kikkerten sin. Men éin ting er litt uvanleg med Nicolas: Han klarer nemleg ikkje å drøyme. Når han søv, er alt berre heilt svart. Men ein dag får Nicolas eit spesielt teleskop som han kan sjå baksida av månen med, og frå den dagen byrjar han å drøyme. I draumane flyg Nicolas til månen, kor han blir kjend med Isha og resten av Månefolket, og ei verd av vennskap, fantasi og undring opnar seg. Men er det eigentleg berre draumar?

Passar for barn frå 5 år og oppover.