Dei første jegarane kom til Hardangervidda for rundt 9000 år sidan. Gjennom tusenvis av år har menneske brukt vidda til jakt, ferdsel, fedrift og beite. I dag er vidda eit eldorado for fotturar, jakt og fiske, men høgjellsplatået er også eit konfliktområde. Ulike og stundom motstridande interesser, i tillegg til usemje om tiltak for den raudlista villreinen, har ført til steile frontar mellom Den Norske Turistforening og villreininteresserte. Grunneigarar og villreinutval har pressa på og tidvis nekta DNT løyperettar og merking for å verne dyra. Som følgje av dette har DNT stengt og avgrensa fleire sentrale hytter.

Reidar Borgstrøm er biolog og professor emeritus ved Noregs miljø- og biovitskaplege universitet i Ås. Borgstrøm kjenner Hardangervidda svært godt både som forskar og som aktiv brukar. Tidlegare i år vart han tildelt Ullensvang kommune sin kulturpris for 2025 for framifrå engasjement og omfattande kulturminnearbeid, mellom anna for Hardangervidda. Overrekkinga av prisen vil skje etter foredraget.