I norsk folkekultur og overtru har visse ord og omgrep vore heilt sentrale. Nokre ord har på eit tidspunkt blitt tabu og rekna som bannord. Kva er historia og ideen bak desse omgrepa, til dømes kryss i taket eller bank i bordet? Kvifor kunne ein ikkje seia djevelens namn høgt, og kva hende om ein gjorde det? Korleis pregar omgrep frå eldgamal overtru dagligtalen vår i dag?

Kristin Fridtun er norrønfilolog og forfattar av fleire bøker om norsk språk. I år gav ho ut boka Klok kvinne eller digg dame? Eit stridsskrift om kjønn og Håvamål-omsetjing. Linda Eide er kjend frå programmet Eides språksjov på NRK, kor ho dykkar ned i ofte komiske aspekt ved språket vi nyttar i kvardagen.