I over 30 år har Thure Erik Lund sin forfattarskap vore eit heilt eige vesen i den litterære faunaen. I 2017 kom romanen Identitet, om mangsysslaren og forfattaren Hallandsås. No har Lund skrive ein slags frittståande oppfølgar, Vertebrae, som også har fengsla lesarar og kritikarar. Romanen finn stad ein gong i ei udefinert framtid, kor mennesket er borte. No blir historia fortalt av ein superintelligens, eit reint, kroppslaust medvit, i “eit nytt altoppslukande verdenssystem som står i ein direkte forlenging av vår digitale tid”. Kva kjenneteiknar dette samfunnet, og kven er det eigentleg som snakkar?

I samtale med Thure Erik Lund om boka finn vi forfattar Erlend O. Nødtvedt, som sjølv har eit ellevilt forfattarskap på samvittigheten, mellom anna med Vestlandet og Mordet på Henrik Ibsen.
 

Velkomen til eit møte mellom to av dei mest eksentriske forfattarane i norsk samtidslitteratur.