Under sommarens VM rulla Neymar Jr. seg i graset i heile 14 minutt til saman. Utan at det såg ut til at han var spesielt hardt skadd. Mange fotballspelarar er Donald Trump med skruknottar, dei er ikkje så opptatt av kva som er rett og kva som er gale, bare dei får hendene sine på ein pokal og ei blondine. Fleire av dei store stjernene ser ut til å vere like gode til å bløffe som til å skyte. Er det ein annan kultur for juks og fanteri hos einskilde lag og nasjonar, som til dømes dei sør-amerikanske og sør-europeiske? Og kva skjer når også engelskmennene ser ut til å heilhjarta omfamne filminga? Eit høgkompetent panel diskuterer om ein verkeleg vil fotball-løgnene til livs og om VAR kan få bukt med idiotien.

Petter Veland, Andreas Selliaas, Henning H. Bergsvåg og Frode Grytten diskuterer om ein vil fotball-løgnene til livs og om VAR kan få bukt med idiotien.