Merete Røsvik Granlund (fødd 1973, frå Godøy utanfor Ålesund) er litteraturvitar og kritikar.

Ho skriv fast i Dag og Tid, Bokvennen Litterære Avis (BLA), Prosa og på Littkritikk.no.

Granlund har studert sosiologi, psykologi, pedagogikk og litteraturvitskap, med hovudfag i litteraturvitskap: «Fragment – forgjengelighet. Søk etter mening i Ett blyertsstreck av Gunnar Björling».

Ho hadde sin første litteraturvitskaplege artikkel på trykk i Bøygen i 1997 og debuterte som bokmeldar same stad i 2000. I februar 2001 byrja ho å melde bøker i Vårt Land. Eit intermesso som forlagsredaktør i Andresen & Butenschøn gjorde at ho la vekk pennen nokre år, men i 2005 byrja ho skrive i Dag og Tid.

Granlund har hatt diverse verv og oppdrag for Norsk kritikerlag. Ho fekk Statens arbeidsstipend i 2015 og Fritt Ords kritikarstipend i 2016.