Lars Ove Seljestad er i haust aktuell med Eitranes, hans åttande roman sidan brakdebuten Blind i 2005. Her sluttar han sirkelen av bøker om identitet, tilhøyrsle og utanforskap, klasse og seksualitet, som har gitt han ein særeigen plass i norsk samtidslitteratur. 

Den unge stipendiaten Halvard Bergstø og den vesle familien hans er på veg til Bremen, der han skal arbeida eitt år på Institutt for livsløp- og biografiforsking. Halvard er besett av tanken på å komma seg vekk frå heimstaden Eitranes. Frigjeringa blir alt anna enn enkel. Samstundes blir faren sjuk og han blir kalla heim. Gjensynet med broren og heimbygda blir eit gjensyn med eiga historie. Tydelegare enn nokon gong ser han verdiane, haldningane og kunnskapane som blei skrive inn i han då han vaks opp. Eitranes er ein stolt roman om vegen ut, om vegen inn i noko anna. Ikkje minst er det ein roman om den lange vegen heim. 

Lars Ove Seljestad sjølv kjem heim til symposiet, og vi inviterer til sleppfest med opplesing og samtale.