ISOLASJON OG SAMHALD

Beate Grimsrud, Ida Hegazi Høyer og Eivind Hofstad Evjemo om åleineliv og fellesskap. Ordstyrar: Fredrik Hagen.

Eivind Hofstad Evjemo skreiv kollektivromanen Det siste du skal se er et ansikt av kjærlighet, som enda opp som den store Kommuneromanen. Den er eit samfunnsnysgjerrig gruppebilete av menneska (rektor, kultursjef, støttekontaktar, ungdomane, sjukepleiarane) som bind kommunen saman, ofte utan at dei sjølve kjenner eit samhald.
I bøkene til Ida Hegazi Høyer er ønsket og behovet om å isolera seg sterkt. Karakterane hennar søker aktivt utanforskap: ei kvinne bur åleine i ei hytte i skogen, eit ungt par lukker seg inne i si eiga boble, andre drar til øde øyer åleine. I intervju snakkar Ida stadig om åleinetid og korleis ho absolutt ikkje kan forstå korleis folk kan leve utan å vere åleine. 

Beate Grimsrud er sjølv singelbuar i Stockholm, byen der ein finn flest einmannshushaldningar. Det gjer òg dei fire skikkelsane vi møter i hennar siste roman, Evighetsbarna. Dei prøver å forstå kva det inneber å vere vaksen, og kastast mellom sterk samhørigheit og tung einsemd gjennom ein vinter og ein vår.
Ordstyrar er Fredrik Hagen. 
 

Dato og tid

fredag 14. oktober kl. 13:00

Medverkande

ISOLASJON OG SAMHALD

Katalog 2018

 

Katalog 2018