ANNLAUG BØRSHEIM

Annlaug er musikar, komponist og tekstforfattar frå Ulvik som jobbar innanfor eit vidt spekter av musikk; frå tradisjonell slåttemusikk på hardingfele til støyete elektriske gitarar og visete popmusikk.

Ho har gjeve ut fleire plater, både solo og saman med andre og turnerer i inn og utland.
I duoen Djønne&Børsheim saman med toradarspelar Rannveig Djønne spelar ho ny og eldre folkemusikk, inspirert av dei rike musikktradisjonane frå Hardanger. Med Pedro Carmona-Alvarez spelar ho popmusikk og er fast medlem i bandet til Frode Grytten. Annlaug har vore på symposiet i fleire år, sist sett i fjorårets bestillingsverk "Veggen".

Børsheim har vore engasjert ved Sogn og Fjordane Teater i førestellinga Ivar Medaas – Dar kjem Dampen saman med Claus SellevolI, Olav Stedje og Aage Vaksdal.

I samarbeid med Haugesenteret i Ulvik utvikla ho saman med Mari Skeie Ljones og produsent Anne Stefi Teigland lyrikk- og musikkprogrammet ”Tenk om eg var ein tanke”, basert på tekstar frå Per Olav Kaldestad si bok Når Morgonfrosken Syng, som Annlaug har laga musikk til. Dette turnerer dei med i Den Kulturelle Skulesekken i Hordaland. Bandet Morgonfrosken syng og spelar desse songane, held konsertar og skal spele inn plate i haust som kjem utpå nyåret.

 

Tidligere program

ANNLAUG BØRSHEIM
Foto: PER FINNE

Katalog 2018

 

Katalog 2018