Chris Tvedt (f. 1954) bur i Bergen. Tvedt har studert juss og diverse fag ved Universitetet i Bergen. Han har arbeidd som advokat, men etter debuten med kriminalromanen Rimelig Tvil i 2005 har han vore forfattar på heiltid.

Han har seinare skrive fem kriminalromanar med forsvarsadvokaten Mikael Brenne som hovudperson. Han er omsett til dansk, tysk og nederlandsk. I 2011 blei han tildelt Rivertonprisen 2010 for Dødens sirkel. Boka Av jord er du kommet, med kriposetterforsker Edvard Matre i hovudrolla, kom ut vinteren 2012. Seinare har det kome tre bøker om Edvard Matre. 

Chris Tvedt er tidlegare styremedlem i Sentralbadet litteraturhus i Odda.