Simon Stranger (f. 1976) er ein forfattar frå Oslo. Han har gått på Forfattarstudiet i Bø og har studert filosofi ved Universitetet i Oslo.

Stranger debuterte i 2003 med Den veven av hendelser vi kaller verden, ein original og fantasirik roman som fekk svært god kritikk. I 2006 fekk han Riksmålsprisen for Gjengangeren. I 2008 kom romanen Mnem, historia om den fiktive byen Nem og det mislykka forsøk på å skapa eit perfekt samfunn, og i 2012 kom En fremmed i verden. I 2015 gav han ut romanen Det som en gang var jord, om ein familiefar som smuglar matvarer under grensa i eit okkupert område.

Stranger slo verkeleg gjennom som forfattar med Leksikon om lys og mørke (2018), som er ein halvdokumentarisk minnehistorisk roman. Her blir vi både presentert for forteljinga til Stranger sin jødiske svigerfamilie og til den brutale landssvikaren Henry Rinnan. Samankoplinga mellom dei to er at Komissar-familien etter andre verdenskrig flytta inn i «bandeklosteret» til Rinnan. For denne fekk Stranger Bokhandlerprisen i 2018. Romanen er omsett til over 20 språk og vart sett opp som teaterstykke på Trøndelag Teater i 2020.

I 2021 gav Stranger ut romanen 304 dager, som fekk svært god kritikk og vart  nominert til Bokhandlerprisen. Boka tematiserer krigstrauma som plagar den norske Afghanistan-veteranen Nicholas. Vi møter óg den afghanske talibankrigaren Armand. 

I år er Stranger aktuell med romanen Museum for mordere og redningsmenn, ein frittståande oppfølgjar til Leksikon om lys og mørke.  Dette er forteljinga om det jødiske ekteparet Rachel og Jacob Feldmann som blir drept av grenselosane dei trudde skulle redde dei. Om Ellen Glotts familie som fekk bustad, private gjenstandar og framtidsdraumar røva frå seg, før dei blei jaga på flukt.To generasjonar seinare skal Ellens borneborn gifte seg med forfattaren Simon Stranger. Under eit skrivearbeid om det norske folkemordet, kjem Stranger over opplysningar om eiga slekt, som gir nye perspektiver på det mørkaste kapittelet i moderne historie.

I tillegg til barnebøker har Simon skrive ungdomsromanar: triologien Barsakh (2009), Verdensredderne (2012) og De som ikke finnes (2014), som er seld til omsetjing i flere land.