Lillian Samdal er ein norsk biletkunstnar, songar og låtskrivar. Ho vart fødd i 1981 i Sunnfjord.

Samdal er utdanna ved Kunsthøgskulen i Bergen og Manchester Metropolitan University. Ho har medverka som songar på album med artistar som Julian Berntzen, Sondre Lerche, The Last Hurrah!! og The Royalties. Ho skriv óg eige låtmateriale med tekstar på norsk.

Dei som var på symposiet i 2011 hugsar kanskje hennar vakre røyst og vare songar? Ho spelte då på opninga av Sentralbadet Litteraturhus og heldt konsert med band på søndagsarrangementet. Lillian er inspirert av tonespråk frå viser, folkemusikk og salmar. Folk, historier og møte er utgangspunkt for tekstane ho skriv og naturen gir ofte ramme om musikken.

Med seg har ho Anna Wingård på nykkelharpe, Nils Henrik Sagvåg på kontrabass og Petter Bjørnstad på tangentar og gitar.