Kan ein leite seg fram til svara på kva det er som får skjønnlitteraturen til å fungere for den eine eller den andre? Forfattarar snakkar ofte om sånne spørsmål i poetikkar, i forfattarsamtalar, bokbad osv. Det hindrar ikkje at lesarane kan snakka om det same, kome til sine eigne konklusjonar. Det vert sagt om skjønnlitterære forfattarar at dei ofte ikkje er like smarte som sine eigne bøker.
Symposiet byr på slike lesesamtalar for dei som bare vil lese! Vi arrangerer tre korte lesekurs for alle som er glade i å lese. Ein kan følgje alle, eitt eller to.
Anne Oterholm, erfaren lesar, forfattar og lærar på skriveskulen i Tromsø, er programvert.
p.s. Vi minner om at det absolutt er ein fordel å ha lese bøkene først. Bestill billett, så får du kopi tilsendt på e-post. Eller kjøp boka.
Dag 2 … Forfatter eller karakter?
Når vi har lese ei bok, snakkar vi ofte om det som er i boka, som om det er verkelege menneske som finst i ho. Ein snakkar om karakterane som menneske, ein likar eller mislikar dei, ein finn grunnnar for det eine, for det andre .... Kvifor skjer det? Korleis skjer det?Brukar forfattarar alltid sitt eige liv når dei skriv romanar? Er romanar eit samansurium av fakta og fiksjon, kor biografisk korrekte opplysingar, til tross for korleis det ser ut, likevel alltid er tilpassa fiksjonen? Bryr vi oss om kva som har skjedd eller ikkje skjedd i virkeligheten? Så lenge det vert opplevd som sant ... så lenge vi på ein eller annan måte kjenner igjen det som skjer i våre eigne liv? Korleis skal vi lese såkalla personlege romanar?
Anne Oterholm og Tormod Haugland i samtale med lesarane
