I eit samfunn bygd opp på industri kjem ein ikkje frå at det er mykje brak og rabalder. Fjell har blitt sprengde vekk i meir enn hundre år, industrien har vakse med eksplosive produkt, og kva eksplosive løyndomar ligg gøymde under Lothepus si nye «stavkyrkje»? Anne Gravdal frå Kraftmuseet har henta fram gull frå arkiva - og trekk lange linjer frå då den første dynamittsalva gjekk av i Tyssedal i 1906 til den siste steinen vart lagt ned i muren rundt Lothepus camping i 2025.