HJELP, EG HAR SKRIVE EI SJØLVHJELPSBOK

Heidi Torkildson Ryste om "HeiaHeidi".
Heiaheidi er ei sjølvhjelpsbok skriven av ein forfattar som er svært skeptisk til sjølvhjelpsbøker. Korleis gjekk det til?

Som journalist i Bergens Tidende var Heidi Torkildson Ryste kritisk til det meste, mellom anna sjølvhjelpsbøker og positiv tenking. I februar 2015 fekk ho kreft. Kort tid etter starta ho bloggen «Heiaheidi». No har ho gjeve ut boka Heiaheidi, ei bok om «å løfte deg sjølv opp, når kreft dreg deg ned».

Ulikt mange andre sjølvhjelpsbøker handlar den ikkje om å tenke positivt, men seier tvert om at det eigentlig ikkje speler så stor rolle. Den handlar òg om at kreft ikkje treng vere ein kamp. Det som tel er å halde ut. Og at livsgleda kan vere minst like stor sjølv om du er alvorleg sjuk.

Sjølvhjelpslitteraturen er ein brokete samling bøker, der målet til forfatteren er å gi råd til lesaren knytt til problem på det personlege plan. I mange bøker er målet å hjelpe lesaren til å få betre sjølvtillit eller lukkast i jobbsamanheng, parforhold eller liknande. Slik sett er ikkje HeiaHeidi ei sjølvhjelpsbok. Det er ei bok som tek mål av seg å vere ei hjelp til å kome gjennom noko av det verste ein kan oppleve i livet på ein best mogleg måte. Er ho då ei sjølvhjelpsbok likevel? 

Dato og tid

laurdag 15. oktober kl. 12:00

Medverkande

HJELP, EG HAR SKRIVE EI SJØLVHJELPSBOK

Katalog 2018

 

Katalog 2018