Erik Fosnes Hansen er fødd i 1965 i New York og vaks opp i Oslo. Han debuterte i 1985 med Falketårnet. Hans andre roman, Salme ved reisens slutt, kom i 1990 og vart ein stor suksess. Boka har gjennom åra gått sin sigersgang over heile verda.

For romanen Beretninger om beskyttelse (1998) fekk han tildelt Bokhandlerprisen. Romanen Løvekvinnen fra 2006 fekk også Bokhandlerprisen - og er kinoaktuell i desse dagar.
 
Ti år etter førre bok, kjem Fosnes Hansen denne hausten med sin femte roman: Et hummerliv; ei samansett historie med både komikk og tragedie. Den handlar om å bli vaksen, om å måtte strekkje seg litt lenger enn ein trur ein kan, om å forstå det ein ikkje vil forstå - og om den avstanden som kan oppstå mellom dei som eigentleg elskar kvarandre. Fosnes Hansen skildrar korleis sjølvbedraget kan bli ein mekanisme for å overleva og korleis vi lyg for oss sjølv og andre, fordi det er for vanskeleg å vera ærleg.

Møt Fosnes Hansen i bokprat med Hallgeir Opedal.
 

LAURDAG KL. 16.00