Randi Fuglehaug, forfattar og journalist frå Voss, har laga ein ny litterær sjanger: Vossakrim. 

Gjennom tre bøker har tidlegare VG-reporter, no heimflytta lokalavisjournalist, Agnes Tveit, jakta på løyndomar og svar på ei rekke «uhell» som skjer på Voss: I Fallesjuke dundrar ein fallskjermhoppar i bakken under Ekstremsportveko, i Tonedød fell ein verdsberømt saksofonist død om på scena under Vossa Jazz, og i Skallebank dukkar hovudet til den nyvalde ordføraren opp blant sauehovuda på Smalahovesleppet. Fuglehaug les frå og fortel om bøkene sine.