Ofte vert betydninga av å kjenne til klassikarane framheva. Dei er meint å vere eit representativt utval frå vår felles kulturelle kapital, og skal fortelje noko om vår identitet som nasjon. Samstundes kan vi problematisere samlinga rundt ein kanon. I kor stor grad har dei eigentleg slagkraft utover si eiga tid? Kor mykje folkekunnskap ligg det framleis i Peer Gynt, og kvifor bør norske elevar ha kjennskap til Ibsen, Skram og Duun? Kunne kanon sett annleis ut? Grethe Fatima Syed, Dag Solstad og Eirik Vassenden møtest til samtale om norske litterære klassikarar og kva dei kan lære oss lesarar i dag. Ordstyrar er Elise Winterthun.