Monika Solheim (fødd i 1971) kjem frå Stord. 
                                                 
Ho er ein allsidig kunstutøver med omlag 20 års erfaring som dukkespelar/ skodespelar og dukkemakar. I 1997, etter studier ved Kunstskulen i Bergen, møtte ho det frie scenekunstfeltet i Bergen, tok vegen innom gateteatermiljøet/Bergen Byspill, og turnerte land og strand med figurteaterframsyningar med teatergruppa Dukkenikkerne som ho var ein del av i ei årrekke.

Ho har hatt oppdrag for bl.a. Fylkeskonsertane i Hordaland, Festspillene i Bergen, Hordaland Teater og Vestlandske Teatersenter, Barneteateret Vårt i Ålesund, DKS, DKB og Spaserstokken, samt samarbeida med einskilde frilensarar og frie teatergrupper.

Monika har og ved fleire anledninger gjestespelt ved Den Nasjonale Scene i Bergen, seinast med framsyningane "Leketøys" og «Bobo, Eia & Besøket» begge samproduksjonar med DNS. Ho brenn for å lage gode framsyningar for barn frå 0 til 100 år og vitjar i år symposiet saman med makkar Adele Lærum Duus og framsyninga «Himmelspringaren» som basert på Sissel Horndals kritikerroste og prislønte barnebok med same tittel.