ANNLAUG BØRSHEIM
ELISE WINTERTHUN
FRODE GRYTTEN
FRODE HELMICH PEDERSEN
HENNING H. BERGSVÅG
HILDE SANDVIK
IDA LØDEMEL TVEDT
JENS M. JOHANSSON
KAJA SCHJERVEN MOLLERIN
KJERSTI ANNESDATTER SKOMSVOLD
LARS OVE SELJESTAD
LINN STALSBERG
MARIT EIKEMO
MARTHE VALLE
NINA LYKKE
NINA NÆSHEIM
PEDRO CARMONA-ALVAREZ
SIGRID AGNETHE HANSEN
TERJE TORKILDSEN
WENCKE MÜHLEISEN

Katalog 8-10 Oktober

Littsymp2019_poster

SOUDABEH ALISHAHI

Soudabeh Alishahi (fødd 1963) er ein iransk forfattar busett i Noreg.

Soudabeh kjem frå Iran, og starta skrive allereie som tenåring. Som kvinne i Iran fekk ho ikkje publisert verka sine, verken noveller, romanar eller teaterstykke. Ikkje før i 1999. Då får ho publisert ei novellesamling. Og då starter problema: Etter at ho i 1999 fekk publisert si første novellesamling, som vart oppfatta som regimekritisk og mellom anna omhandla kvinner sine manglande rettar i Iran, vart ho trua, arrestert og fekk utreiseforbod. Ho flykta frå landet i 2000, og fekk deretter opphald i Oslo i 2001 som byens første fribyforfattar.

Novellesamlinga Midtveis (2002) var hennar første utgjeving på eit norsk forlag.

Ho har vore redaktør av antologiane Under samme himmel og Instruks i å skrive horedikt, som inneheld tekstar av noverande og tidligare fribyforfattarar i Noreg.

I 2015 kom ho med ein roman, Smil, som vart utgjeve på Gyldendal. Romanen Smil er skrive på farsi. Omsetjinga er eit samarbeid mellom Sheida Sangtarash, Siavash Sangtarash, forfattaren Anne Oterholm og Alishahi sjølv.

Smil handlar om Partow, som bur utanfor Teheran med mannen Jones og svigerfaren Haji Barat. Partow er assistent i ein frisørsalong, Jones er gal og svigerfaren ein sterkt pleietrengande krigsinvalid. For at kvardagen skal gå rundt, har familien tilsett afghanaren Soleiman, som på ulikt vis skal bidra til at både far og son får den hjelpa dei treng. Historia vert fortald av Partow, men då ho får tak i Soleimans dagbok, vekslar romanen mellom hans historie og Partow si eiga forteljing. Med ein god porsjon galgenhumor og stor innleving flettar Soudabeh Alishahi det iranske dagleglivet og den politiske røynda før og etter innføringa av prestestyret saman i ein roman utanom det vanlege.

Alishahi tilhøyrar ein ny generasjon iranske forfattarar som har lausrive seg frå den formelle persiske litteraturtradisjonen. Gjennom ein langt friare, munnleg uttrykksform skapar ho engasjement for situasjonen til sine medsøstre.

Soudabeh Alishahi har vore styremedlem i Norsk PEN 2010-2016. Ho er ein av få utanlandske forfattarar som er
medlem av Forfatterforeningen. I år har ho fått Statens Kunstnerstipend og skriv på ein ny roman.
 
Alishahi-Soudabeh_Julie-Pike