Fredrik Hagen (fødd 1991) er ein forfattar frå Odda, busett i Bergen.

Han har studert kunsthistorie ved Universitet i Bergen, og seinere ved lærerskolen i Bergen, og disputerte nyleg ved Høyskolen på Vestlandet. 

Han har gjeve ut fire diktsamlingar. Han debuterte skjønnlitterært i 2017 med diktsamlinga Jeg kom plutselig til å slutte å tenke på deg, ei sår og skjør samling som viser kor vanskeleg det er å ta vare på seg sjølv, ikkje minst dei sidene ved oss som er avhengig av andre. Seinare kom Alt er barndom (2018), og Han ligner en måte å sove på (2019). Omriss av åpne hender undersøker korleis det er å vere menneske, i selskap med andre mennesker. Og om korleis det er å freiste halde fast på seg sjølv og dei ein er glad i, i ei tid som alltid går og eit språk som stadig er i endring. 

I vår gjev han ut kortprosa: LA DET BLI / EN ENSOM TID, der han held fram med kartlegginga av det største og det minste i menneske: Vår individuelle forlattheit og vår kollektive samband til, og samvirke med, alt og alle.

Fredrik var initiativtakar til og har vore redaktør for diktfanzina Forsvinningspunkt: ei utgjeving for unge, ukjende og upubliserte poetar. Hagen er medansvarleg og programvert på Lyrikksalong i Boksalongen, Litteraturhuset i Bergen sitt faste poesiprogram, og sit i programrådet til Litteratursymposiet i Odda.