LITTERATURSYMPOSIET I ODDA 2024

3. - 6. oktober

FREDRIK HAGEN
FREDRIK HAGEN
FREDRIK HØYER
FREDRIK HØYER
FRODE GRYTTEN
FRODE GRYTTEN
MARIT EIKEMO
MARIT EIKEMO

Katalog 2023

Katalog for program 2022

Ingvild Ystanes konstituert som festivalleiar

Forfattaren, journalisten, Korlingen og Oddadama Marit Eikemo har i fem år vore festivalleiar for Litteratursymposiet i Odda. No blir ho redaktør i Vigmostad & Bjørke. Ingvild Ystanes, festivalkoordinator for Litteratursymposiet sidan 2011, tar over inntil vidare. 

Ingvild er frå Odda. Ho er busett i nabokommunen Ullensvang med mann og tre barn. Når ho ikkje lager symposium jobber ho på biblioteka i fjorden, i Kinsarvik og på Utne.  Ho har ein bachelor frå UiB med to mellomfag: i spansk og latinamerikastudier (med eit semester i Madrid), og Kunsthistorie. I mange år jobba ho på Norsk Vasskraft- og Industristadmuseum, som sommarvert, guide, arrangør og marknadsansvarleg. Sidan jobba ho i reiseliv- og stadsutviklingsprosjektet Odda i utvikling og hadde ein kort periode som informasjonsmedarbeider i Odda kommune. 

Litteratursymposiet i Odda er eit kommunalt prosjekt, og stillinga som festivalleiar var ein 5årig prosjektstilling som vart oppretta då Sparebanken Vest i 2009 gav midler til profesjonalisering av symposiet. Stillinga skal diskuterast i kommunen i haust. Inntil vidare held Ystanes tømmene på symposiehesten.

Årets program er utforma av Eikemo og Ystanes, saman med bibliotek- og konst. kultursjef i Odda, Else Marie Sandal. Ho er ansvarleg for programmet for barn og unge. Frode Grytten, Frode Molven, Augon Johnsen og Nina Kongtorp utgjer ei programgruppe som bidreg med idear og innspel.
< Tilbake